Psalms 6

मुख्य वाजंत्र्यासाठी; तंतुवाद्यावरचे शेमीनीथ नावाच्या सुरावर बसवलेले दाविदाचे स्तोत्र.

1हे परमेश्वरा, रागाच्या भरात मला शासन करू नकोस,
किंवा तुझ्या संतापात मला शिक्षा करू नकोस.
2हे परमेश्वरा माझ्यावर दया कर, कारण मी अशक्त आहे.
हे परमेश्वरा मला निरोगी कर, कारण माझी हाडे ठणकत आहेत.

3माझा जीव फार घाबरला आहे.

परंतू हे परमेश्वरा, असे किती काळ चालणार आहे?
4हे परमेश्वरा, कडक धोरण सोड, माझ्या जीवाला वाचव!
तुझ्या प्रेमदयेच्या विपुलतेने मला तार.
5कारण मरणात तुझे काही स्मरण करत नाही.
मृतलोकांत तुझी उपकारस्तुती कोण करणार?

6मी माझ्या कण्हण्याने दमलो आहे.

रात्रभर मी माझे अंथरुण अासवांनीओले करतो.
मी माझे अंथरुण अश्रूंनी धुवून काढतो.
7शोकामुळे माझे डोळे अंधूक झाले आहेत.
माझ्या सर्व शत्रूंमुळे ते जीर्ण झाले आहेत.

8अहो लोकांनो, जे तुम्ही अन्यायाचे कृत्य करता, माझ्यापासून निघून जा.

कारण परमेश्वराने माझे रडणे ऐकले आहे.
9परमेश्वराने माझ्या दयेची याचना ऐकली आहे;
त्याने माझ्या प्रार्थनेचा स्वीकार केला आहे.
माझे सर्व शत्रु लाजवले जातील आणि फार घाबरतील.
ते माघारे फिरतील आणि अकस्मात लज्जित होतील.
10